جذب العملاء

ولاء العملاء

 

” ابنى مكانتك وزوّد دعمك”

بناء مكانتك فى المجتمع الأونلاين والحصول على دعم العملاء من أهم الأهداف اللى لازم تكون فى بالك طول الوقت ويكون هدف يتحقق على المدى البعيد, لأنه مش كفاية أنهم يعرفوك لكن لازم يعرفوا الناس بيك ويدعموك  ودى 10 خطوات تكون فى اعتبارك وأنت بتبنى مكانتك وبتحافظ على سمعتك  وسط عملائك :-

  • وفّى بوعودك

تجربة العميل معاك هى المحددة لكلامه عنك سواء كانت تجربة مميزة أو تجربة سيئة وفى التجربة المميزة هو مش بس هيكلم أصحابه عنك لكن هيكون دافع أنه يرجع لك ويثق فيك ويتعامل من تانى معاك “والعكس صحيح”

  • سرّع استجابتك

طبق نظام الرد التلقائى عندك سواء كان فى الموقع أو البريد الإلكترونى وخليك حريص أن الطلب يوصل للعميل فى الوقت المناسب واتأكد من وصوله وإلا فاحتمال خسارتك للعميل هتكون كبيرة.

  • عرّف عميلك

العميل لازم يكون على علم بأى مشكلة مع الطلب الخاص به سواء كان تأخير أو عيب فنى ومن المفترض أنك تبادر بالتواصل مع عملائك قبل ملاحظة المشكلة أصلا لأن ده هيكون انطباع جيد عن العميل وهتقدر تكسب ثقتهم . وخد بالك أن كلما الوعود متنفذتش كلما ما أنت مبتتقدمش .

  • اجذب الناس لخدمتك

الموقع بكل المحتوى وطرق التواصل الموجودة عليها بتاخد طابع الرسمية ولكن ده لايمنع أن التعامل مع العميل يكون بطابع شخصى مرين بحيث يقدر يتواصل مع حد يعرض له ومشكلته وإزاى يقدر يحلها!!.

  • زوّد قنواتك

فى تجربة العمل للبحث أونلاين عن خدمة أو منتج بيكون متوقع وجود المنتج بتفاصيله بأماكن بيعه بأرقام التواصل على الموقع أو على أى منصة اجتماعية مفضلة له ولو مكنش ليك وجود فى الأماكن دى ,بكل بساطة هو هيروح لحد تانى موجود.

  • حدّث بياناتك

الاهتمام بتحديث الموقع وإضافة آخر العروض والأخبار بيعلّى ترتيبك فى محركات البحث وفى الوقت نفسه بيعطى للعميل انطباع بحداثة المعلومات والنشاط الموجود فى المشروع .

  • قدر مشكلتك

    خليك مستعد دائما لأى مشكلة بتحصل وحاول تحلها فى فورا وفكّر فريقك أن المشكلة عند العميل هى مشكلة كل واحد فيكم مش مشكلة شخص بعينه وأن التركيز يكون على المنافسين مش زملاء العمل . وأنت باعتذار بسيط تقدر تكسب ود العميل أما لو هدية أو خصم صغير فأنت كدا بتحل الموقف ببساطة وبتحسسه بقيمته الكبيرة عندك.

  • دوّر على فرصتك فى محنتك

كل مشكلة أنت بتتعرض لها بتساعدك فى أنك تحسن من منتجك وتطور من نشاطك وهنا مشاركة رد الفعل الإيجابى والسلبى مهم جدا بين الفريق عشان تقدروا توصلوا لحل مشترك مرفوع من واقع يناسب الجميع.

  • مترضاش عن نفسك

التأكد من وصول الخدمة للعميل مش كافى ,أنت لازم من وقت للتانى تراجع مستوى الخدمة سواء كان بالهاتف أو بالبريد الإلكترونى وتتأكد من مدى ارتياح العميل لأن ده بيوفر لك رد فعل قوى عن خدماتك ومنتجاتك واللى بيساعد بشكل كبير فى تطويرها , إضافة إلى بيعطيك الحق أنك تكمل عملائك عن عروضك الجديدة فيما بعد .

  • كافىء عميلك

زى مااتفقنا أن برامج كسب الولاء بتكون شغالة على المدى الطويل وبالفعل بتحقق مكاسب حقيقية ومميزة مش مزيفة أو وقتية ,, فإيه رأيك لو تكافىء أنت العميل على ولائه أو توفر له عرض مناسب عشان عميل عندك لأول مرة .. أو تبعت له هدية بسيطة بمناسبة أنه كان الـfan  رقم مليون على صفحة الفيس بوك !! او خصومات وعروضات حصرية لعملائك على خدماتك بشكل دوري.

قول لنا على أكتر حاجة بتعملها من النقط دى عشان تكسب عميلك ..

أنت كعميل إيه أكتر حاجة ممكن تشجعك أنك تكمل مع شركة معينة عن غيرها؟؟

 

اترك رد

لن يتم نشر عنوان بريدك الإلكتروني.