تعلم معنا فنون الادارة

اسمع لجمهورك

0

اسمع لجمهورك

” الجمهور مش هيهتم أنه يسمع عنك قبل ما أنت تهتم أنك تسمع منه”

من أكثر الطرق فعالية لتحسين منتجك وزيادة أرباحك هى إنصاتك لجمهورك سواء كان  “العملاء – المستثمرين – المجتمع – العاملين” وأهم الفئات دى هى فئة العملاء لأنهم المستهدفين من الخدمات بشكل مباشر وأكتر حد بيتعامل مع المنتج ويقدر يحدد مميزاته وعيوبه وإيه الاضافات اللى ممكن تضيفها لتطويره.لكن غالبا أصحاب الأعمال غير مهتمين بآراء العملاء وأحيانا السبب فى أن المديرين غير قادرين على استطلاع الآراء دى أو معتقدين أن ده هيكون تكلفته كبيرة أو صعب تحليله والاستفادة منه , وأحيان أخرى بيخافوا فعليا أنهم يسمعوها.

3 حلول تساعدك فى معرفة رأى العميل

  • اغلب خوفك

أوقات كتير الموظفين والعملاء بيواجهوا مشكلات فعلية وبحاجة لحلول فورية والمديرين بيكونوا على وعى بالمشكلات دى لكن بيهملوها أو مش بيواجهوها على أمل أن المشكلة ممكن تتحل بعد فترة أو أن العميل هينسى مشكلته, لكن ده واقعيا مش هيحصل لأن العميل متوقع أنه يلاقى اهتمام بيه مش حد يهمله وينسّيه وفى حالة مفيش اهتمام بضغطتين على الماوس هيقدر يلاقى منافس ليك يهتم بيه ويحل له مشكلته. عشان كدا لازم تتغلب على خوفك من المواجهة وتدخل فى المشكلة وتكون خارجها فى نفس الوقت ..بتكون فيها كإدارة لازم تتعامل معاها وتحلها وخارجها كعميل ومدى موافقة الحل له.

  • رد فعل العميل

مهم جدا أنك تسأل عن رد فعل العميل ومتنتظرش لما هو ييجى يقولك على رأيه لأنه أحيانا بيكون عنده مشكلة بس مش قادر يعبر عنها وتقدر تعرف رد الفعل ده من خلال وسائل كتير سواء كان بالمكالمات الهاتفية- البريد الإلكترونى – الردود على المنصات الاجتماعية – الردود على الموقع الخاص بك. والأكثر أهمية أن رد الفعل يتم الرد عليه فى الوقت المناسب وبالاستجابة المناسبة لأنه بيشارك فى جزء كبير من تكوين صورتك والسمعة بين عملائك والجماعات المرجعية المحيطة بهم.

  • استطلاع رأى العملاء

تقدر تعمل استطلاع رأى للعملاء من فترة لفترة وبيكون إلكترونى سواء باستخدام البريد الإلكترونى أو مواقع بتقدم الخدمة دى وبتكلفة قليلة والهدف منه أنك تقدر تعمل تقييم قبلى ومرحلى وبعدى لأى حملة تسويقية هتشتغل عليها أو منتج عاوز تبدأ فيه أو خدمة جديدة عاوز تضيفها أو عاوز تاخد رأى عملائك فى الخدمات اللى بتقدمها وده بيكون غير مرتبط بأى مشكلة بيتعرض لها العميل لكن بيوضح للعميل أنه “رأيك يهمنا” .

 

احكى لنا عن تجربتك عن شركة طبقت المفهوم ده وقدرت تحل المشكلة فى الوقت المناسب أو على الأقل أخدت برأيك فى إضافة جديدة للمنتج 

 

Comments

comments

اترك تعليق

يرجي التسجيل لترك تعليقك

شكرا للتعليق