1. 2. 3. 7. 22.

الهدف من مدونة موقعك

 

” المدونة”

” محتاج يكون معترف بيك ولما يحتاجوا إجابة لسؤال يفكروا فيك”

التفكير فى تقديم منتج وتأسيس موقع يتم عرضه من خلاله خطوة جيدة لكن مش جديدة. لأن ناس كتير سبقتك وعملت كدا وناس هتيجى بعد بردو وتعمل كدا لكن الاختلاف هنا فى أن موقعك يكون معروف فى محركات البحث بمحتوى جيد وحصرى والمستخدمين يعترفوا بيك ويقرأوا ليك وتكون مصدر موثق لمعلومة حصرية بيبذلوا مجهود كبير عشان يوصلوا ليها لكن أنت بتوفرها لهم بدون أى مقابل مادى . ونشر المعلومات دى بيكون من خلال مدونتك وهنا لازم تجاوب على سؤال مهم ” أنا بنشر ليه؟ . عشان تبنى مجتمع معرفة بيشاركك التجارب والخبرات ؟ ولا الهدف الربح والإعلانات” ومهمة جدا الإجابة دى لأن المحتوى بكل تأكيد هيختلف فى الحالتين وبالتالى الجمهور اللى بتكتب له هيختلف

أحد النماذج الناجحة لإنشاء مدونة تقدم محتوى هادف هو كريستيان لاندر صاحب مدونة

StuffWhitePeopleLike.com”والهدف من المدونة هو تسليط الضوء على اهتمامات سكان أمريكا الشمالية “الأمريكان البيض” والهدف منها أنها تعبر عن أسلوب حياتهم والتشابه بينهم وإزاى غيرهم يقدر يتعامل معاهم.

وبعد شهرين من تأسيس المدونة, عرضت دار نشر كبرى على صاحبها  أنها تنشر له  كتاب بنفس الاسم مقابل 300 ألف دولار مقدماً. المدونة قدرت تجذب 15 مليون مستخدم فى شهرين , والمدونة حققت أكثر من 300 ألف زيارة يومية وأكثر من 40 مليون زائر فى خلال 9 شهور من تأسيسها. وبعد صدور الكتاب فى أول يوليو حقق مرتبة عالية فى قوائم المبيعات. والهدف من المدونة لم يكن ربحى فى الأساس ولكن هو كان يهدف لنشر محتوى قدر يوصل لاهتمامات عدد كبير من المستخدمين ويتفاعلوا معاه وقدر يحقق أرباح منه.

المدونة كانت مشروع مستقل بذاتها ومش تابعة لموقع معين لكن تحديد الهدف من النشر فى الأساس كان سبب أساسى فى نجاحها , عشان كدا لازم تهتم بالنشر فى مدونتك لأنها هتضمن زيادة عدد المتابعين وكسب ولائهم  وفتح باب للمناقشة اللى تقدر تتعرف بيها على شخصياتهم إلى جانب أنها هتزود عدد زوار الموقع تقدر تستخدمها فى اختبار قبلى لحملاتك الإعلانية .

 

>